الله يرحم إيام زمان‎

    شاطر
    avatar
    سوريا الله حاميها
    نائب المدير
    نائب المدير

    عدد المساهمات : 701
    نقاط : 1112
    السٌّمعَة : 53
    العمل/الترفيه : محاسب
    المزاج : رايق

    الله يرحم إيام زمان‎

    مُساهمة من طرف سوريا الله حاميها في الإثنين 7 فبراير - 8:59





    أيام جدي و ستي:


    الزوج:

    مرحبا يا مرة... شو عاملتينا عشااليوم؟

    >>>>الزوجة:

    يه يه يه... تقبر عضامي... إجيت حبيبي؟!! تقبرني شو حركتك خفيفة

    وما بتزعج حدا... لك حلّت البركة على أرض الديار ياروحي... طابختلك

    حرّاء بأصابيعو ويالنجي وكبة لبنية تقبشني...

    الزوج:

    ياالله
    يالله بلا كترة غلبة، قومي حطي الأكل قومي..

    الزوجة:

    لك إي مو تكرم ابن عمي... مو تكرم... لك من هالعين هَي قبل هَي...

    الزوج:

    - نامواالولاد؟



    الزوجة من المطبخ:

    ناموا حبيبي ناموا على عشية، وحميتلّك الحمام يا عمري...



    الزوج بعد أن يرى أصناف المائدة أمامه:

    - إيييييييييييييييييييييييه... باين السهرة رح تحلى اليوم...

    يمضغ اللقمة الأولىويقول:



    - ممممممممممممم طيبة هالكبة طيبة!!!

    الزوجة رافعة يدييهاللسماء:

    - لك روح... ربي مولايي يبيضلك أيامك... ويبعد عنك ولادين الحرام يا

    حق..

    ينهي الزوج طعامه قائلاً:

    - الحمد لله...

    الزوجة:

    - عجبك الأكل يا عمري...

    الزوج:

    - إي والله... تسلم إيديكي... تعبتك معي...

    الزوجة مرتبكة من الفرح:

    - عجبك الأكل؟؟!... لك تطلع على قبري شو إنّك هني وبتعرف تحكي... لك

    تكفنّي بإيديك على هالكلام الحلو يا حق.. بكرة بدي اعملّك حمام محشي

    وبطاطا بالفرن إي بدك تاكل أصابيعك وراهن...

    بعدين شوتعبتني وما تعبتني؟!... ليش أنا عندي غيرك بالدنيا يا

    حبيبي؟!!، لك تشكل آسي ياحق...

    الزوج وهو ينشّف يديه بعد غسلها:

    - جاهز الحمام يا مرة ؟؟

    الزوجةبخجل... وبابتسامتها الحلوة:
    - ولَو تقبشني... ولَو!!! وحطيطيلك صابونة غار من يللي جابتهم أمك

    تقبرني...


    وإليكم هذا الحوار بين (امرأة اليوم وزوجها):

    الزوج:

    - مرحبا يا حلوة... شو عاملتينا عشااليوم؟

    الزوجة ملتفتة إليه وبيدها جريدة:

    - شو إيمتى جيت؟؟ مبكّر مو على عادتك يعني... على كلٍ عملتلك مجدرة

    برغل وعدس... شو بدي اطبخلك يعني ومبارح أكلت لحمة بالصينية؟؟...

    >>>>الزوج:

    - يا الله تقبشيني، قومي حطيلنا الأكل لناكل..

    الزوجة:

    - ليكو الأكل عندك بالمطبخ... وين بدو يروح يعني؟؟!! كمان بدي جبلك

    الأكل لحد عندك؟!
    الزوج باتجاهه إلى المطبخ:

    - ناموا الولاد على حد علمك؟



    الزوجة:

    إي شو نيّمهم هلق وبكرة عندهم عطلة؟؟؟



    الزوج يحدث نفسه من المطبخ:

    العمى شوهالمجدرة؟؟!!!!!...



    يمضغ اللقمة الأولى ويقول:

    إي والله كأني عم آكل حجارة مو برغل!!!

    الزوجة :

    - شو عم تبَروِت يا رجال؟؟

    ينهي الزوج طعامه قائلاً:

    - آ... ؟؟ مو شي حبيبتي... موشي...

    الزوجة:

    - عجبك الأكل؟...

    الزوج بإحباط:

    إي طبعاً طبعاً... تسلم إيديكي...

    الزوجةبتأفف:

    معناها كل يوم بعملك منها إذا حبيت...

    الزوج وهو ينشّف يديه:

    جاهزالحمام يا ترى؟؟



    الزوجة ترمي الجريدة أرضاً صارخة في وجهه:

    العمى على هالقصة... طبختِي يامرة؟... ناموا الولاد يامرة؟...جاهز

    الحمام يا مرة؟... إي شوأنا ما عندي شغل غيرك يا رجال



    عن جد الله يرحم إيام زمان


    samisouf
    عضو جديد
    عضو جديد

    الجنس : ذكر
    عدد المساهمات : 27
    نقاط : 27
    السٌّمعَة : 50
    البلد : الجزائر

    رد: الله يرحم إيام زمان‎

    مُساهمة من طرف samisouf في الإثنين 7 فبراير - 9:50

    هههههههههههه

    حفظكم الله ورعاكم وسدد للخير خطاكم
    avatar
    سوريا الله حاميها
    نائب المدير
    نائب المدير

    عدد المساهمات : 701
    نقاط : 1112
    السٌّمعَة : 53
    العمل/الترفيه : محاسب
    المزاج : رايق

    رد: الله يرحم إيام زمان‎

    مُساهمة من طرف سوريا الله حاميها في الإثنين 7 فبراير - 12:05


      الوقت/التاريخ الآن هو الثلاثاء 21 أغسطس - 4:21